အိတ်ဖွင့် ကဗျာ

by Ad Thit on Friday, November 23, 2012 at 9:06am ·

အိတ်ဖွင့်ကဗျာ

အဝေးပြေးလမ်းမကြီးနံဘေးမှာ
ဖုန်မှုန့်အထပ်ထပ်နဲ့မတ်တပ်ရပ်နေတဲ့ ချုံပုတ်တွေဟာ ငါတို့ပဲ…
သစ်လုံးတင်ကားကြီးတွေဖြတ်သန်းတိုင်း
ကန္တာရဆန်ဆန်သွားတဲ့စိတ်တွေကို ဘာနဲ့ပြန်စိမ်းမလဲ…။

ဓါတ်ငွေ့ပိုက်လိုင်းကြီးတလျှောက်မှာ
အစာအိမ်ပေါက်သွားတဲ့ယာခင်းလယ်ကွက်တွေဟာငါတို့ပဲ..
ရင်းနှီးမြှုပ်နှံမှုပါဝါဓါးချက်တိုင်း
အပိုင်းပိုင်းပြတ်ထွက်သွားတဲ့စိတ်တွေကို ဘာနဲ့ပြန်ဆက်မလဲ…။

ငါးပေးပါ အစာပေးပါလက်အုပ်လေးချီကာချီကာ
တိရိစ္ဆာန်ရုံထဲကပျော်တော်ဆက်ဖျံလေးတွေဟာ ငါတို့ပဲ..
အကူအညီ ကြွေးမြီတ၀ိုင်းဝိုင်းထဲ
စားရမှာသဲတရှပ်ရှပ်စိတ်တွေကို ဘာနဲ့ပြန်ဆေးမလဲ..။

မြစ်ရေစီးကြောင်းနဲ့ဝေးရာ
တရွေ့ရွေ့ဆုတ်ခွာနေရတဲ့ဆိပ်ကမ်းတွေဟာ ငါတို့ပဲ..
မဟာဓါတ်အားကြိုးလိုင်းမော့ကြည့်တိုင်း
မှောင်အတိကျကျသွားတဲ့စိတ်တွေကို ဘာနဲ့ပြန်လင်းမလဲ..။

သောက်လေငတ်မပြေပင်လယ်ကြီးထဲမှာ
မိုင်းထိထားတဲ့မျိုးဆက်ဟာ ငါတို့ပဲ..
ပေါက်ထွက်သွားတဲ့အိုဇုန်းလွှာအတိုင်း
စုတ်ပြဲနေတဲ့စိတ်တွေကိုဘာနဲ့ပြန်ဖာမလဲ..။

သတင်းနဲ့နည်းပညာခေတ်ကြီးမှာ
ဆက်သွယ်မှုဧရိယာပြင်ပရောက်နေတာငါတို့ပဲ..
တစ်စုံတစ်ခုအသစ်အဆန်းပေါ်လာတိုင်း
လဲပြိုသွားတဲ့စိတ်တွေကို ဘာနဲ့ပြန်မတ်မလဲ..။

ကိုယ့်ဒေသကိုယ့်နေရာစွန့်ခွာ
ကျွဲနှစ်ကောင်ခတ်နေတဲ့ကြားထဲမြေစာပင်ဟာငါတို့ပဲ..
ကျည်သံ အမြောက်သံကြားရတိုင်း
အရူးမီးဝိုင်းနေတဲ့စိတ်တွေကို ဘာနဲ့ပြန်လျော်မလဲ..။

ကမ္ဘာမကြေ ဗမာပြည်ကို အရသာရှိရှိဆိုပါရစေ။      ။

                                                            အေဒီသစ်
                                                        ၂၂၁၁၁၂